عشان كدا لما عديت على ميريت من يومين ضربنى
محمد هاشم ف كتفى وقالى" أية اللى جابك؟" ، خدتها بهذار وقلتله
"عشان بحبك وجالى أبوسك" وضحكت، أتارى الموضوع فية إنه وعرفتها من مدونه نادى القتال. الصديقة عزه مغازى أعتقدت أيضا أنى صاحب المدونه المذكورة وقالت
معركه جديدة لطه عبد المنعم. وأرسلت لى إحدا بنات الضرباشماسويين رساله فيسبوكية
تستفسر فيها عن هذا الامر بما أنى نشرته فقلت لها بأقتضاب أن العايدى بيتهمنى
دايما أنى بشتم فيه ومنفسن عليه فعشان كدا بلاش يكون رايى موجود وكفاية نشرى
للخبر والمدونه ع الفيسبوك. عموما شئ مخجل. لأنى مثلا عملت مجهود متواضع على الفيلم
وشفته وكلمت الناس عليه ويطلع ف الاخر وراه شكوك بالسرقة. ومش عاوز أضم طارق أمام
و للمسألة بس اللى تستغربله جدا ان فى رد محمد حماد على طارق أمام نشر الاول وثيقة
وهى رقم أيداع هدوء القتلة فى ميريت وقال أنه حصل عليها من محمد هاشم شخصيا. طب
سيبنا من مشاكل ميريت . أنتوا عارفين أنى كنت ناوى أعمل ندوه لمناقشة قضية أدبية
وهى حملة شعراء قصيدة النثر على حجازى. قعدت معهم وقلت أعرف منهم هيقولوا أيه
وهيتناقشوا فى أية. مكنش عندى مشكلة أنهم يهاجموا السلطه متمثلة فى حجازى. أنا فى
الاخر لا عندى صفحة ثقافية ولا دار نشر أخاف على مصالحها ولا حتى أنا شاعر. بس
لقيت الندوه هتتحول لسيرك. سيرك بكل معانى الكلمه. بيخبطوا فى بعض من غير هدف. قلت
على أية لما يعرفوا هما عاوزين أية نبقى نتكلم. ودى حال وسط البلد دلوقت سيرك
كبير، واللى عاوز يتفرج يطمن عشان فى إعادة وربنا يخللنا مسلسلات رمضان.
ليست هناك تعليقات:
إرسال تعليق